Text 10
ஜிம் அமெரிக்காவுக்குத் திரும்பிப் போகும் நாள் வந்துவிட்டது. அவருக்கு இன்னும் ஒரு வருடம் தமிழ்நாட்டில் இருக்க ஆசைதான். ஆனால் போயாக வேண்டும். வேறு வழியில்லை. அவர் தமிழ்நாட்டுக்கு வந்து ஒரு வருடம். முடிந்துவிட்டது. ஒரு வருடத்தில் தமிழ்நாடு முழுவதும் சுற்றிப் பார்த்துவிட்டார். தமிழ்நாட்டைப் பற்றி எவ்வளவோ விஷயங்கள் தெரிந்துகொண்டார்.
அவர் இருந்தது மதுரையில். இது சென்னைக்குப் பிறகு பெரிய ஊர். மிகப் பழைய ஊரும்கூட. சங்க இலக்கியப் புலவர்கள் இந்த ஊரில் வாழ்ந்திருக்கிறார்கள். இது பாண்டிய மன்னர்களின் தலைநகரமாக இருந்தது. ஊரின் நடுவில் மிகப் பெரிய மீனாட்சி அம்மன் கோயில் இருக்கிறது. இந்தக் கோயிலில் அம்மன்தான் முக்கியம். சித்திரை மாதம் பெரிய திருவிழா நடக்கும். அது மீனாட்சி சிவனைத் திருமணம் செய்யும் திருவிழா. அன்றைக்குப் பக்கத்துக் கிராமங்களிலிலிருந்து ஏராளமான மக்கள் வந்து கூடுவார்கள். தண்ணீர் இல்லாத வைகை ஆறு முழுவதும் வண்ண வண்ண உடைகளில் மக்களின் கூட்டம் இருக்கும்.
மதுரையைச் சுற்றிச் சமணக் குகைகளைப் பார்க்கலாம். இவற்றில் பிராமி எழுத்தில் கல்வெட்டுகள் உள்ளன. சமணர்கள் தமிழில் பல இலக்கிய நூல்களும், இலக்கண நூல்களும் எழுதியிருக்கிறார்கள். ஏழாம் நூற்றாண்டிலிருந்து சைவ சமயமே தமிழ்ச் சமயம் என்ற எண்ணம் வளர்ந்தது. தமிழ்நாட்டில் பெரிய சைவக் கோவில்கள் கட்டப்பட்டன; வைணவக் கோவில்களும் கட்டப்பட்டன. ஜிம் இந்தக் கோவில்களில் பலவற்றைப் பார்த்தார். அவற்றில் உள்ள சிற்பங்களைப் பார்த்து ஆச்சரியப்பட்டார். இவை கல்லிலும் வெண்கலத்திலும் செய்யப்பட்டவை. சோழ மன்னர் கட்டிய தஞ்சாவூர் பெரிய கோவில் பிரமாண்டமான அமைப்புக்கும், கல்வெட்டுகளுக்கும், சிற்பங்களுக்கும், ஓவியத்திற்கும் பேர் போனது.
பலர் தமிழ்நாட்டில் பார்க்க விரும்புவது மகாபலிபுரத்தில் கடல்கரையை ஒட்டி முதலின் கட்டிய கற்கோயில்கள். இவற்றைப் பல்லவ மன்னர்கள் கட்டினார்கள். இந்த ஊரின் பழைய பெயர் மாமல்லபுரம். இது சென்னைக்குப் பக்கத்தில் இருக்கிறது. தமிழ்நாட்டின் தலைநகரம். ஆங்கிலேயர்கள் இங்கிருந்து தென்னிந்தியாவை ஆண்டார்கள். மீன் பிடிக்கும் கிராமங்களை நகரமாக்கியவர்கள் இவர்களே. இப்போது இந்தியாவின் மாநகரங்களில் இது ஒன்று. நவீனத் தமிழ்நாட்டின் முன்னோடி. தமிழ் சினிமாவின், பத்திரிக்கைகளின் மையம். வெளிமாநில. வெளிநாட்டு வாழ்க்கை முறைகளையும், உலகச் சிந்தனைகளையும் இங்கே பார்க்கலாம். இருந்தாலும், மற்ற மாநகரங்களோடு பார்க்கும்போது, சென்னை இன்னும் பழைய பாரம்பரிய வழிகளிலிருந்து முழுவதும் மாறவில்லை என்பார்கள்.
ஜிம்முகுச் சென்னையை விட மதுரை பிடிக்கும். மதுரையில் கிராமத்துத் தமிழ் வாசனை இருக்கிறது என்பார். அவர் மீண்டும் விரைவில் மதுரைக்கு வருவார் என்று எதிர்பார்ப்போம்.
Formal with Alternates Informal
Grammatical forms
போகும் நாள் போகிற போற
வந்துவிட்டது வந்துட்டுது / வந்துருச்சு
முடிந்துவிட்டது முடிந்துபோயிற்று முடிஞ்சுட்டுது / முடிஞ்சுருச்சு / முடிஞ்சுபோச்சு
தெரிந்துகொண்டார் தெரிஞ்சுக்கிட்டார்
வாழ்ந்திருக்கிறார்கள் / வாழ்ந்திருக்காங்க / இருந்திருக்கிறார்கள் இருந்துருக்காங்க
ஊரின் நடுவில் ஊருக்கு நடுவில் ஊருக்கு நடுலே
கிராமங்களிலிருந்து கிராமங்கள்லேருந்து
செய்யும் செய்கிற செய்ற
ஏராளமான ஏராளாமா
கூடுவார்கள் கூடுவாங்க
வண்ண வண்ண உடைகளில் பல வண்ண பல கலர் ஒடைகள்லே
உடைகளில்
மக்களின் மக்களுடைய மக்களோட
இவற்றில் இவைகளில் இதுலே
உள்ளன இருக்கின்றன இருக்கு
என்ற என்னும், என்கிற -ங்கிற
கட்டப்பட்டன கட்டுனாங்க
பலவற்றை பலதை
இவை இது
செய்யப்பட்டவை செஞ்சது
கட்டிய கட்டுன
ஓவியத்திற்கும் ஓவியத்துக்கும் ஓவியத்துக்கும்
விரும்புவது விரும்பறது
முதலில் மொதல்லே
இவற்றை இவைகளை இதை
இங்கிருந்து இங்கேயிருந்து இங்கேருந்து
மாநகரங்களோடு மாநகரங்களோட
மாறவில்லை மாறலை
Spelling
வருடம் வருஷம் வருஷம்
முழுவதும் பூராவும் முழுசும் / பூராவும்
சுற்றி சுத்தி
பற்றி பத்தி
பிறகு பெறகு
கோயில் கோவில் கோயில்
மாதம் மாசம் மாசம்
திருமணம் கல்யாணம் கல்யாணம்
தண்ணீர் தண்ணி
உடை ஒடை
குகை கொகை
வைணவம் வைஷ்ணவம் வைஷ்ணவம்
வெண்கலம் வெங்கலம் வெங்கலம்
பலவற்றை பலதை
இப்போது இப்போ / இப்ப
ஒன்று ஒண்ணு
முறை மொறை
உலக ஒலக
Words
மிக ரொம்ப
அன்றைக்கு அன்று அண்ணைக்கு
மக்கள் ஜனங்கள் ஜனங்க
சமயம் மதம் மதம்
மீண்டும் திரும்ப திரும்ப
விரைவில் சீக்கிரம் சீக்கிரம்
Sandhi
ல் + க் = ற்க். ல் changes to ற் when followed by a stop consonant. This is optional in compound words. கடல் கரை = கடற்கரை or கடல் கரை
Glossary
சுற்றிப் பார் (பார்க்க) ‘see around, sight see’
சங்க இலக்கியம் ‘Sangam literature referring to earliest Tamil literature’
புலவர்கள் ‘poets of the ancient period’
வாழ் (வாழ) ‘live’
பாண்டிய மன்னர்கள் ‘Pandya kings referring to a Tamil dynasty’
தலைநகரம் ‘capital’
அம்மன் ‘goddess’
கோயில் ‘temple’
திருவிழா ‘festival’
கிராமம் ‘village’
ஏராளமான ‘numerous’
மக்கள் ‘people’
கூடு (கூட) ‘gather’ assemble’
ஆறு ‘river’
வண்ணம் ‘color’
உடை ‘dress’
கூட்டம் ‘crowd’
சமணம் ‘Jain religion’
குகை ‘cave’
பிராமி ‘name of the source of Indian scripts’
கல்வெட்டுகள் ‘inscriptions’
உள்ளன ‘are’
சமணர்கள் ‘followers of Jain religion’
இலக்கிய நூல்கள் ‘literary works’
இலக்கண நூல்கள் ‘grammatical works’
நூற்றாண்டு ‘century’
சைவம் ‘Saivite religion’
சமயம் ‘religion’
கட்டு (கட்ட) ‘build’
வைணவம் ‘Vaishnavite religion’
பல ‘many’
அவை (அவற்று-) ‘they (neuter)’
சிற்பங்கள் ‘sculptures’
ஆச்சரியப்படு (-பட) ‘be surprised’
கல் ‘stone, rock’
வெண்கலம் ‘brass’
சோழ மன்னர் ‘Chola king referring to a Tamil dynasty’
பிரமாண்டமான ‘massive’
அமைப்பு ‘structure’
ஓவியம் ‘painting’
பேர் போ (போக) ‘be famous’
பலர் ‘many people’
விரும்பு (விரும்ப) ‘like’
பல்லவ மன்னர்கள் ‘Pallava kings referring to a dynasty in Tamil Nadu’
கடல்கரை ‘sea shore’
ஒட்டி ‘adjacent to, along’
ஆங்கிலேயர்கள் ‘the English’
தென்னிந்தியா ‘South India’
ஆள் (ஆள) ‘rule’
மீன் ‘fish’
பிடி (பிடிக்க) ‘catch’
நகரம் ‘city, town’
மாநகரம்‘metropolitan city’
நவீன ‘modern’
முன்னோடி‘front runner’
பத்திரிக்கை ‘newspaper, magazine’
மையம் ‘center’
வெளிமாநிலம் ‘outside states’
வெளிநாடு ‘foreign countries’
வாழ்க்கை முறை ‘life style, way of life’
உலகச் சிந்தனை ‘ideas of the world’
பாரம்பரிய வழி ‘traditional path’
மாறு (மாற) ‘change’
வாசனை ‘smell’
மீண்டும் ‘again’
விரைவில் ‘soon, quickly’
எதிர்பார் (-பார்க்க) ‘expect’