உரையாடல் 5
ஓட்டலுக்குப் போகிறோம்
ஜிம் - நாம் எந்த ஓட்டலுக்குப் போகிறோம்?
ராஜா - நாம் உடுப்பி ஓட்டலுக்குப் போகிறோம்.
ஜிம் - அது நல்ல ஓட்டலா?
ராஜா - ஆமாம். அங்கே டிபன் மிகவும் நன்றாக இருக்கும்.
(இரண்டு பேரும் ஓட்டலுக்குள் போகிறார்கள்.)
ராஜா - நீங்கள் தோசை சாப்பிடுகிறீர்களா? இட்லி சாப்பிடுகிறீர்களா?
ஜிம் - நீங்கள் என்ன சாப்பிடப் போகிறீர்கள்?
ராஜா - நான் பூரி சாப்பிடப் போகிறேன்.
ஜிம் - நானும் பூரி சாப்பிடுகிறேன்.
(ராஜா சர்வரைக் கூப்பிடுகிறார்)
சர்வர் - சார், என்ன வேண்டும்?
ராஜா - ஆளுக்கு ஒரு பூரி கொண்டுவா.
சர்வர் - இந்தாருங்கள். வேறு என்ன வேண்டும்?
ராஜா - இரண்டு காப்பி. மொத்தம் எவ்வளவு ஆகிறது?
சர்வர் - எழுபது ரூபாய். இந்தாருங்கள், பில்.