உரையாடல் 8
எங்கே இருக்கிறீர்கள்?
ஜிம் - நான் வீட்டுக்குப் போக வேண்டும். எப்படிப் போகலாம்?
ராஜா - நீங்கள் எங்கே இருக்கிறீர்கள்?
ஜிம் - நான் கோரிப்பாளையத்தில் இருக்கிறேன்.
ராஜா - அங்கே போக நிறைய பஸ்கள் இருக்கின்றன. ஒன்றாம் நம்பர் பஸ்
அடிக்கடி வரும். நீங்கள் அதில் போகலாம்.
ஜிம் - அந்த பஸ் எங்கே நிற்கும்?
ராஜா - நீங்கள் மங்கம்மா சத்திரத்தில் நில்லுங்கள். அங்கே ஐந்து நிமிஷத்துக்கு
ஒரு பஸ் வரும்.
ஜிம் - அது எவ்வளவு தூரத்தில் இருக்கிறது?
ராஜா - ரொம்ப பக்கத்தில்தான் இருக்கிறது. அதோ தெரிகிறதே, அதுதான்
மங்கம்மா சத்திரம்.
ஜிம் - ஓ! இவ்வளவு பக்கத்திலே இருக்கிறதா? ரொம்ப நல்லது.
ராஜா - உங்களிடம் பணம் இருக்கிறதா?
ஜிம் - இருபது ரூபாய் இருக்கிறது. போதுமா?
ராஜா - ஓ! இதே அதிகம். கோரிப்பாளையத்துக்குப் போகப் பத்து
ரூபாய் போதும்.
ஜிம் - சரி. போய்விட்டு வருகிறேன்.
ராஜா - போய்விட்டு வாருங்கள். நாளைக்குப் பார்ப்போம்.