உரையாடல் 10
கடைக்குப் போகிறேன்
ராஜா - நான் கடைக்குப் போகிறேன். நீங்களும் கூட வருகிறீர்களா?
ஜிம் - என்ன வாங்கப் போகிறீர்கள்?
ராஜா - துணி வாங்கப் போகிறேன்.
ஜிம் - புதுத் துணியா? என்ன விசேஷம்?
ராஜா - இந்த மாதம் பதினான்காம் தேதி பொங்கல் வருகிறது, இல்லையா?
அதற்காகப் பிள்ளைகளுக்குத் துணி வாங்க வேண்டும்.
ஜிம் - உங்களுக்குத் துணி வாங்கவில்லையா?
ராஜா - எனக்கும்தான். என் மனைவிக்கும் ஒரு புடவை வாங்க வேண்டும்.
ஜிம் - எனக்கும் ஒரு புடவை வாங்க வேண்டும் என்று ரொம்ப நாளாக ஆசை.
வாருங்கள். போவோம். உங்கள் உதவியோடு ஒரு நல்ல புடவை
வாங்குகிறேன்.
ராஜா - உங்களுக்குப் புடவை எதற்கு? நீங்கள் கட்டப் போகிறீர்களா?
ஜிம் - ஐயையோ! நான் எப்படிப் புடவை கட்ட முடியும்? அதைப் பெண்கள்
அல்லவா கட்டுவார்கள்?
ராஜா - பிறகு ஏன் புடவை வாங்கப் போகிறீர்கள்?
ஜிம் - அதை அமெரிக்காவில் என் தங்கைக்கு அனுப்பப் போகிறேன். அவளுக்கு
உங்கள் ஊர்ப் புடவை என்றால் ரொம்பப் பிடிக்கும்.
ராஜா - அப்படியா? சரி, வாருங்கள். ஒரு நல்ல புடவை வாங்குவோம்.
ஜிம் - நாம் எந்தக் கடைக்குப் போகிறோம்?
ராஜா - கோவிலுக்குக் கிழக்குப் பக்கத்தில் ரொம்ப துணிக் கடைகள்
இருக்கின்றன. வாருங்கள். நாம் கோவிலைச் சுற்றி அங்கே போவோம்.