உரையாடல் 11
புடவை விலை அதிகம்
ராஜா - வாருங்கள், இந்தக் கடைக்குப் போவோம். இங்கே நல்ல புடவைகள்
கிடைக்கும். விலையும் மலிவாக இருக்கும்.
ஜிம் - சரி. எனக்குப் புடவையைப் பற்றி ஒன்றும் தெரியாது. இந்த ஊர்க்
கடைகளைப் பற்றியும் ஒன்றும் தெரியாது.
ராஜா - உங்களுக்குப் பட்டுப் புடவை வேண்டுமா, நூல் புடவை வேண்டுமா?
ஜிம் - எனக்குக் காஞ்சீபுரம் பட்டுப் புடவைதான் வேண்டும்.
கடைக்காரன் - வாருங்கள், சார். என்ன வேண்டும்? பட்டுப் புடவைகள் பார்க்கி
றீர்களா? எங்களிடம் நல்ல புடவைகள் இருக்கின்றன.
ராஜா - ஜிம், உங்களுக்கு என்ன நிறப் புடவை வேண்டும்?
ஜிம் - எல்லா நிறப் புடவைகளும் அழகாகத்தான் இருக்கின்றன. உங்களுக்கு
எது பிடிக்கிறது?
ராஜா - (கடைக்காரரிடம்) வேறு புடவைகள் இருக்கிறதா? காட்டுங்கள்,
பார்ப்போம்.
கடை - உங்களுக்கு நல்லதாகக் காட்டுகிறேன். இதைப் பாருங்கள்.
ரோஜாப்பூ நிறத்துக்குப் பொருத்தமாகக் கருப்புக் கரை இருக்கிறது.
ராஜா - இது என்ன விலை?
கடை - நாலாயிரம் ரூபாய்.
ராஜா - விலை ரொம்ப அதிகமாக இருக்கிறதே!
கடை - இல்லை, சார். புடவையைப் பாருங்கள். ரொம்ப கனமாக இருக்கிறது.
இது நல்ல ஜரிகை சார்.
ராஜா - இதை இவர் அமெரிக்காவுக்கு அனுப்பப் போகிறார். மூவாயிரத்து ஐநூறு
ரூபாய்க்குக் கொடுக்கிறீர்களா?
கடை - ரொம்பவும் குறைவாகக் கேட்கிறீர்கள்! இருநூறு ரூபாய் குறைவாகக்
கொடுங்கள்.
ராஜா - மூவாயிரத்து ஐநூறுக்கு மேல் கொடுக்க முடியாது. என்ன சொல்கிறீர்கள்?
கடை - சரி.