உரையாடல் 12
ஆட்டோ கிடைக்குமா?
ராஜா - ரொம்ப சாமான்கள் இருக்கின்றன. இதோடு நாம் வீடு வரைக்கும்
நடக்க முடியாது.
ஜிம் - பஸ்ஸில் போகலாமா?
ராஜா - பஸ் இந்தத் தெரு வழியாக வராது. வண்டியில்தான் போக வேண்டும்.
ஜிம் - சைக்கிள் ரிக்ஷாவில் போகலாமா?
ராஜா - அதில் இவ்வளவு சாமானோடு ஒருத்தர்தான் போக முடியும். அதனால்
குதிரை வண்டியில் போவோம்.
ஜிம் - இங்கே குதிரை வண்டி கிடைக்குமா?
ராஜா - அதோ பாருங்கள். அந்த மூலையில் குதிரை வண்டிகள் நிற்கின்றன.
ஜிம் - ஆமா. நான் இதுவரை பார்க்கவே இல்லை. ஒன்றுக்குப் பின்னால்
ஒன்று வரிசையாகக் கார் வருகிறதே, நாம் எப்படிக் குறுக்கே போக
முடியும்?
ராஜா - இந்தத் தெருத் திருப்பத்தில் இப்போது சிவப்பு விளக்கு தெரிகிறது.
அதனால் கார் இந்தப் பக்கம் வராது. வாருங்கள், போவோம்.
ஜிம் - இப்போது எனக்குப் பயம் இல்லை.
ராஜா - நீங்கள் பின்னால் வாருங்கள். வெள்ளைக்காரன் என்றால் வண்டி
வாடகை அதிகம் கேட்பான்.
ஜிம் - சரி.
ராஜா - வண்டிக்காரரே, மேலமாசி வீதிக்குப் போக வேண்டும். எவ்வளவு
கேட்கிறீர்கள்?
ஆட்டோக்காரர் - அறுபது ரூபாய் கொடுங்கள், சார்.
ராஜா - என்னப்பா, நிதானமாகக் கேள். நான் இந்த ஊர்க்காரன்தான்;
வெளியூர்க்காரன் இல்லை.
ஆட்டோ - பெட்ரோல் விலை அதிகமாக இருக்கிறது, சார். அறுபது
ரூபாய்க்குக் குறைவாகக் கட்டாது, சார்.
ராஜா - ஐம்பது ரூபாய்க்கு வருகிறாயா? நான் எப்போதும் அவ்வளவுதான்
கொடுப்பேன்.
ஆட்டோ - ஐம்பத்தெட்டு ரூபாயாவது கொடுங்கள், சார்.
ராஜா - உனக்காக ஐம்பத்தைந்து ரூபாய் தருகிறேன்.
ஆட்டோ - சரி, சார். உங்கள் இஷ்டம்.
ராஜா - ஜிம், வண்டியில் ஏறுங்கள். நேரமாயிற்று.